’’سندھ کے 1 لاکھ اساتذہ تو سائنس اور ریاضی کے مضامین ہی نہیں پڑھا سکتے اور ۔ ۔ ۔‘‘ صوبائی وزیرتعلیم نے اعتراف کرلیا

کراچی(ویب ڈیسک) وزیر تعلیم سردار شاہ نے کہا ہے کہ سندھ کے ایک لاکھ 34ہزار میں سے ایک لاکھ اساتذہ سائنس اور ریاضی نہیں پڑھا سکتے۔سردار شاہ نے لیاری میں گورنمنٹ گرلز ہائی اسکول میر ایوب میں محکمہ تعلیم کی جانب سے سندھ انرولمنٹ ڈرائیو 2019 سیمینار سے خطاب اور میڈیا سے گفتگو کرتے ہوئے کہا کہ نئے بھرتی ہونے والے اساتذہ اعلیٰ تعلیم یافتہ ہونگے جن کو بھرتی کرنے سے قبل آئی بی اے میں ٹیسٹ لیا جائے گا۔ سٹیشنری اور کورس بلیک میں فروخت کرنے والے نجی اسکولوں کے خلاف سخت کارروائی ہوگی جب کہ میرے استعفے سے متعلق خبروں میں کوئی صداقت نہیں۔دریں اثنا سیمینار میں طلبا نے ٹیبلوز بھی پیش کیے جبکہ سیمینار سے قبل آگاہی واک کا بھی انعقاد کیا گیا، جو لیاری کے گورنمنٹ ڈی سی ٹی او ہائی اسکول سے شروع ہوکر گورنمنٹ گرلز ہائی اسکول میر ایوب پر اختتام پذیر ہوئی، واک کی قیادت وزیر تعلیم سردار علی شاہ نے کی جبکہ ان کے ہمراہ سیکریٹری تعلیم شاہد پرویز، اساتذہ اور طلبا کی بڑی تعداد نے شرکت کی۔

ہائی بلڈ پریشر کیسے کنٹرول میں رکھا جائے؟

آج کل گرمی کا دور دورہ ہے ، اچھے خاصے ٹھنڈے مزاج کے انسان کابھی پارہ ہائی ہو جاتاہے تو سوچیں جو لوگ ہائی بلڈ پریشر کے مرض میں مبتلا ہیں ان کو خود پر قابو پانے میں کتنی دقت پیش آتی ہوگی۔ ہائی بلڈ پریشر ایک خطرناک حالت ہے، خاص طور پرآپ کے دل کیلئے۔ امریکا میں ہر تین سے میں سے ایک اور دنیابھر میں ایک ارب سے زائد لوگ ہائی بلڈ پریشر کا شکار ہیں۔

ماہرین کے مطابق ہائی بلڈ پریشر ویسے تو کسی بھی عمر میں ہوسکتاہے، مگر اس کا خطرہ 40برس کی عمر کے بعد تیزی سے بڑھ سکتاہے۔ آپ وقت کو پلٹا تونہیں سکتے لیکن بلڈ پریشر کو باقاعدگی سے چیک کرکے اسے کنٹرول میں رکھ سکتے ہیں۔ اب تو بلڈ پریشر چیک کرنے کا ڈیجیٹل آلہ بھی مل رہا ہے، جس کے ذریعے کوئی بھی بآسانی بلڈپریشر چیک کرسکتا ہے۔

ممکن ہے کہ کوئی شخص ہائی بلڈ پریشر میں مبتلا ہو، لیکن اسے معلوم نہ ہو۔ بعض اوقات انسان بلڈ پریشر کو معمولی یا معمول کے مطابق سمجھ رہا ہوتاہے کیونکہ اسے اپنا آپ ٹھیک لگتا ہے لیکن وہ نہیں جانتا کہ ہائی بلڈ پریشر کا شکار ہونے والے انسان کو کسی قسم کی جسمانی خرابی کا سامنا نہیں ہوتا۔ دراصل ہائی بلڈ پریشر کی کوئی علامت نہ ہونے کی وجہ سے اس کا پتہ نہیں چل پاتا، اس کا ادراک اس وقت ہوتاہے جب صحت کو نقصان پہنچنا شروع ہوتا ہے۔ اچھی بات یہ ہے کہ بہت سی ایسی چیزیں ہیں، جو آپ کے بلڈ پریشر کو کم یا نارمل رکھ سکتی ہیں یہاں تک کہ اس کے لیے آپ کو دوائیں کھانے کی بھی ضرورت نہیں پڑتی ۔

چہل قدمی اور ورزش کریں

اپنے بلڈ پریشر کا لیول کم رکھنے کیلئے ورزش سب سے بہترین چیز ہے۔ باقاعدگی سے ورزش کرنے سے آپ کا دل مضبوط ہوتاہے اور خون کو بہتر انداز میں پمپ کرنے لگتاہے، اس سے آپ کی شریانوں میں خون کا دبائو بھی کم ہونے لگتاہے۔ ہر ہفتے150منٹ کی معتدل ورزش جیسے کہ چہل قدمی کرنا یا 75منٹ تک دوڑنا،آپ کے بلڈ پریشر کو نارمل اور دل کی صحت کو بہتر کرتاہے۔ کچھ نہیں کرسکتے تو روزانہ صرف 30منٹ چہل قدمی کرلیں، ایسا کرنے سے بلڈ پریشر کو معمول پر رکھنے میں مدد ملتی ہے۔

پوٹاشیم والی غذائوں کا استعمال

پوٹاشیم ایک اہم منرل ہے، جو آپ کے جسم میں سوڈیم یعنی نمک کو زائل کرتاہے اور شریانوں میںخون کے دبائو کو سہل بناتاہے۔ آج کے دور کی پراسیسڈ غذائوں نے نمک کے استعمال کو زیادہ اورپوٹاشیم کے استعما ل کو کم کردیاہے۔ ان دونوں کو متوازن رکھنے کیلئے آپ کو اپنی ڈائٹ میں پوٹاشیم والی غذائوں کا استعمال بڑھانا ہوگا اور پراسیسڈ کے بجائے تازہ کھانوں اور پھلوں جیسے کہ تربوز، کیلا، ایوا کاڈو، نارنگی، چیکو وغیرہ کو شامل کرنا ہوگا۔ ڈیری مصنوعات جیسے کہ دودھ اور دہی وغیرہ، ٹونا اور سامن مچھلی ، خشک میوہ جات اور پھلیاں بھی پوٹاشیم کے حصول کا عمدہ ذریعہ ہیں

نمک کا استعمال کم کریں

پراسیسڈ یا پہلے سے تیارشدہ غذائوں کی وجہ سے دنیا بھر میں نمک کا استعمال بڑھتا جارہاہے۔ اسی وجہ سے فوڈ انڈسٹری میں نمک کے کم استعمال کی آگاہی اور فلاح عامہ کیلئے کوششیں کی جارہی ہیں ۔ بہت سے مطالعوں سے پتہ چلاہے کہ ہائی بلڈ پریشر اور سوڈیم یعنی نمک کا گہر اتعلق ہے۔ اگرآپ ہائی بلڈ پریشر کا شکا رہیں تواپنی غذامیں نمک کا استعمال کم کرکے مشاہدہ کریں، آپ کو فرق صاف نظر آئے گا۔ ساتھ ہی پراسیسڈ غذائوں کی جگہ تازہ غذائوں اور نمک کی جگہ ہرب اور مسالوں کے استعمال سے بھی افاقہ ہوگا۔

فیصل واوڈا نے ڈیفنس میں کس کے نام پر بے نامی پلاٹ خریدے ہوئے ہیں؟ تہلکہ خیز دعویٰ

اسلام آباد : حکومت کی جانب سے بے نامی جائیدادیں ضبط کرنے کا سلسلہ شروع کردیا گیا ہے ، پہلے مرحلے میں ن لیگ کے سینیٹر چوہدری تنویر کی راولپنڈی میں واقع 6 ہزار کنال اراضی ضبط کی گئی ہے تاہم اب وفاقی وزیر برائے آبی وسائل فیصل واوڈا کی بے نامی جائیدادوں کے حوالے سے بھی دعویٰ سامنے آیا ہے۔ پاکستان کے انگریزی اخبار ’ دی نیوز‘ سے وابستہ صحافی فخر درانی نے ایک ٹویٹ میں دعویٰ کیا ہے کہ فیصل واوڈا نے ڈیفنس ہاﺅسنگ اتھارٹی میں شیر نواز کے نام پر بے نامی پلاٹس خریدے ہوئے ہیں۔ انہوں نے اپنے ٹویٹ میں کہا ’ بے نامی جائیدادیں رکھنے والوں کے خلاف حکومتی کاروائی نہایت ہی احسن قدم ہے بس اس میں سیاسی انتقام کی بو نہیں آنی چاہیے۔چوہدری تنویر کی بے نامی زمینوں کو ضبط کرنے کے بعد اگر حکومت واوڈا کے ڈی ایچ اے میں شیر نواز کے نام پر جتنے پلاٹس ہیں ان کو ضبط کرے گی تو تب لوگ اسے انصاف کہیں گے

ویڈیو نہ آنے سے رانا ثناءاللہ کیخلاف ایکشن مشکوک ہو گیا...ن لیگ ایسے کام کروانے کی ماہر تھی اسی لیے ویڈیو کی ڈیمانڈ کر رہی ہے،فردوس عاشق اعوان

لاہور۔ :    بڑی مچھلیوں اور مگرمچھوں کی گرفتاری کا سلسلہ عروج پر ہے تاہم رانا ثناءاللہ کی گرفتاری پر ن لیگ نے طوفان مچا رکھا ہے۔رانا ثناءاللہ کی بیوی اور ن لیگ قیادت کی طرف سے بھی اس واقعے اور ریڈ کی ویڈیو سامنے لانے کے لیے اے این ایف کو کہا جا رہا ہے۔ویڈیو نہ بنانے پر متعلقہ ادارے کے ساتھ ساتھ حکومت کو بھی خوب تنقید کا نشانہ بنایا جا رہا ہے۔

یہ بھی ضرور پڑھیں : فیصل واوڈا نے ڈیفنس میں کس کے نام پر بے نامی پلاٹ خریدے ہوئے ہیں؟ تہلکہ خیز دعویٰ

اسی حوالے سے گفتگو کرتے ہوئے فردوس عاشق اعوان نے کہا کہ کہتے ہیں کہ ویڈیو نہ آنے سے رانا ثناءاللہ کیخلاف ایکشن مشکوک ہو گیا۔ پہلے پنجاب پولیس سے ایسے کام کروائے جاتے تھے کیونکہ اس کا مخالفین کو مارنے کا ایک ریکارڈ ہے۔ کس کو نہیں پتا کہ رانا ثناءاللہکا سانحہ ماڈل ٹائون اور کالعدم تنظیموں کے ساتھ تعلق تھا۔

ان کا کہنا تھا کہ اے این ایف کے افسران نے مافیا سے جان پر کھیل کر ٹکر لی، ہمیں اپنے افسران کیساتھ کھڑا ہونا چاہیے۔

ہمیں اے این ایف کے افسران پر تنقید نہیں کرنی چاہیے ورنہ کوئی رول آف لا کے ساتھ کھڑا نہیں ہوگا۔انہوں نے کہا کہ آصف زرداری کے انٹرویو میں تیں خلاف ورزیاں کی گئیں تھیں، ایک تو وہ نیب کی تحویل میں ہیں، وہ تین کیمروں پر انٹرویو نہیں دے سکتے۔ نیب حراست میں موجود شخص کا سپیکر کی اجازت کے بغیر انٹرویو کیا گیا، تیسری خلاف ورزی پیمرا قوانین کی گئی تھی۔ نیب کے قید میں ایک قیدی کا انٹرویو کرنا پیمرا قوانین کی خلاف ورزی تھا، تاہم انٹرویو رکوانے میں حکومت کا کوئی عمل دخل نہیں۔ان کا کہنا تھا کہ میڈیا میں بحث چل رہی ہے کہ پل کے نیچے نشہ کرنے والوں کو حکومت کیوں نہیں پکڑتی؟ ان کو بھی پکڑیں گے لیکن پہلے سہولت کاروں کو پکڑنا ہے۔

شیخ رشید احمد نے جذبے اور جنون سے پاکستان ریلوے کو بہتر کرنے کے لئے اقدامات کئے ہیں، سارا پاکستان انہیں دعائیں دے گا ، وزیراعظم عمران خان

 وزیراعظم عمران خان نے وفاقی وزیر ریلوے شیخ رشید احمد، وزارت ریلوے کے حکام اور عملے کو مبارکباد دیتے ہوئے کہا کہ جس طرح شیخ رشید احمد نے جذبے اور جنون سے پاکستان ریلوے کو بہتر کرنے کے لئے اقدامات کئے ہیں، سارا پاکستان اس پر ان کو دعائیں دے گا کیونکہ ریلوے کے ذریعے عام آدمی سفر کرتا ہے،میانوالی تا لاہور ٹرین کے آغاز پرمیانوالی کے عوام شیخ رشید احمد کا 

ایڈوانس شکریہ ادا کرتے ہیں۔

یہ بھی ضرور پڑھیں  : نیب نے بلاول بھٹو زرداری کو پارک لین کیس میں بری قرار دے دیا

بدھ کو راولپنڈی ریلوے سٹیشن پر سرسید ایکسپریس کی افتتاحی تقریب سے خطاب کرتے ہوئے وزیراعظم عمران خان نے کہا کہ مہذب دنیا میں ریلوے پر زور دیا جاتا ہے، مسافروں اور کارگو کی ترسیل کے لئے ریلوے سب سے آسان اور سستا ذریعہ ہے، ایسے لوگ جن کے پاس گاڑیاں نہیں ہیں اور لمبا سفر کرتے ہیں ان کے لئے ریلوے بہترین ذریعہ ہے۔ انہوں نے کہا کہ میانوالی کے عوام کو نئی ٹرینوں سے بہت فائدہ ہو گا، میانوالی کے عوام کی طرف سے بھی وزیرریلوے شیخ رشید احمدکا شکریہ ادا کرتا ہوں

نیب نے بلاول بھٹو زرداری کو پارک لین کیس میں بری قرار دے دیا

کیس کی تحقیقات میں بلاول بھٹو کے خلاف کچھ ثابت نہ ہوسکا۔ اسی باعث پیپلز پارٹی کے چئیرمین کو اس کیس میں بری قرار دینے کا فیصلہ کیا گیا

لاہور : نیب نے بلاول بھٹو زرداری کو پارک لین کیس میں بری قرار دے دیا۔ تفصیلات کے مطابق نیب نے پیپلز پارٹی کے چئیرمینبلاول بھٹو زرداری کو خوشخبری سنا دی ہے۔

نیب نے بلاول بھٹو زرداری کو پارک لین کیس میں کلیئر کر دیا ہے۔ نیب ذرائع نے بتایا ہے کہ کیس کی تحقیقات میں بلاول بھٹو کے خلاف کچھ ثابت نہ ہوسکا۔ اسی باعث پیپلز پارٹی کے چئیرمین کو اس کیس میں بری قرار دینے کا فیصلہ کیا گیا ہے۔ اس حوالے سے نیب کی جانب سے باقاعدہ اعلان جلد متوقع ہے۔

لائن آف کنٹرول کے قریب چھمپ سیکٹر میں دھماکا، پاک فوج کے 5 جوان شہید

دھماکے سے ظاہر ہوتا ہے کہ یہ بھارت کی جانب سے ریاستی دہشت گردی کا ثبوت ہے۔ آئی ایس پی آر

اسلام آباد:  لائن آف کنٹرول سے چند کلومیٹر کے فاصلے پر چھمپ سیکٹر میں دھماکا ہوا ہے۔میڈیا رپورٹس میں بتایا گیا ہے کہ پاکفوج کے شعبہ تعلقات عامہ آئی ایس پی آر کا کہنا ہے کہ چھمپ سیکٹر کے قریب دھماکے میں پاک فوج کے 5 جوان شہید ہو گئے ہیں جب کہ ایک فوجی اہلکار زخمی ہو گیا ہے۔

آئی ایس پی آر کا مزید کہنا ہے کہ دھماکے کی نوعیت کا تعین کیا جا رہا ہے۔

دھماکے سے ظاہر ہوتا ہے کہ یہ بھارت کی جانب سے ریاستی دہشت گردی کا ثبوت ہے۔دھاکے سے ظاہر ہوتا ہے کہ یہ بھارتی دہشت گردی کا نتیجہ ہے۔اس واقعے میں شہیدہونے والوں میں سپاہی زوہیب،سپاہی غلام قاسم اور شیز زمان شامل ہیں۔شہدا میں صوبیدار محمد صادق اور سپاہی محمد طیب بھی شامل ہیں۔خیال رہے یہ واقعہ لائن آف کنٹرول سے چند کلومیٹر کے فاصلے پر پیش آیا۔

عمران خان سے ملاقات کی تردید کرنے والے ن لیگی ارکان اسمبلی کی بنی گالہ میں لی گئی تصویر سامنے آگئی

اسلام آباد :  وزیر اعظم عمران خان سے ن لیگی ارکان صوبائی اسمبلی کی ملاقات کے بعد پاکستان کے سیاسی ماحول میں سخت کشیدگی کی صورتحال پیدا ہوگئی ہے۔ حکومت اور اپوزیشن دونوں ہی جانب سے بڑے بڑے دعوے کیے جارہے ہیں ۔ مسلم لیگ ن پنجاب کے صدر رانا ثناءاللہ خان نے گزشتہ روز عمران خان سے ملنے والے ارکان اسمبلی کے گھروں کے گھیراﺅ کا اعلان کیا تھا تاہم آج انہیں منشیات رکھنے کے الزام میں گرفتار کرلیا گیا ہے۔

 یہ بھی ضرور پڑھیں : رانا ثناءاللہ کی گرفتاری ، مریم نواز بھی میدان میں آگئیں،وزیر اعظم عمران خان پر الزام عائد کردیا

 مسلم لیگ ن  کی مرکزی قیادت کی جانب سے وزیر اعظم سے ملاقات کرنے والے ارکان کے بارے میں سخت موقف اپنایا گیا تو بعض لوگوں نے ملاقات کی سرے سے ہی تردید کردی لیکن اب بنی گالہ سے ان اراکین اسمبلی کی تصویر سامنے آگئی ہے۔

بنی گالہ میں لی گئی تصویر میں بائیں سے دوسرے نمبر پر خانیوال سے ن لیگ کے رکن پنجاب اسمبلی فیصل نیازی کو دیکھا جاسکتا ہے ، انہوں نے وزیر اعظم سے ملاقات کی تردید کی تھی۔ ملاقات کی تصدیق کرنے والے نشاط ڈاہا کو وزیرا علیٰ اور نعیم الحق کے درمیان دیکھا جاسکتا ہے۔ مظفر گڑھ سے لیگی ایم پی اے اظہر عباس وزیر اعلیٰ پنجاب کے دائیں طرف، دائیں سے دوسرے نمبر پر ن لیگ کے رکن اسمبلی حاجی اشرف انصاری کے بھائی اور آزاد حیثیت سے الیکشن میں حصہ لینے والے حاجی اکرم انصاری موجود ہیں، تصویر میں طاہر بشیر چیمہ بھی نظر آرہے ہیں۔

رانا ثناءاللہ کی گرفتاری ، مریم نواز بھی میدان میں آگئیں،وزیر اعظم عمران خان پر الزام عائد کردیا

 مسلم لیگ ن کی نائب صدر مریم نواز نے رانا ثناءاللہ کی گرفتاری کا الزام وزیر اعظم عمران خان پر عائد کردیا۔ مریم نواز نے رانا ثناءاللہ کی گرفتاری پر اپنے رد عمل میں سوال اٹھایا کہ اے این ایف کا رانا ثناءسے کیا لینا دینا ہے؟ اس سے زیادہ مضحکہ خیز بات کوئی ہو ہی نہیں سکتی کہ اے این رانا ثناءاللہ کو گرفتار کرے۔ انہوں نے کہا کہ رانا ثناءاللہ کو ان کے جراتمندانہ موقف کی وجہ سے حراست میں لیا گیا ہے۔ مریم نواز نے وزیر اعظم عمران خان پر براہ راست رانا ثناءاللہ کی گرفتاری کا الزام عائد کرتے ہوئے کہا کہ جعلی اعظم انتہائی چھوٹے اور معمولی ذہن کا آدمی ہے جو براہ راست اس گرفتاری میں ملوث ہے۔ مریم نواز نے تنبیہہ کرتے ہوئے کہا کوئی غلطی نہ کرنا۔

    یہ بھی ضرور پڑھیں : رانا ثناء اللہ کو انسداد منشیات فورس نے گرفتار کرلیا

مریم نواز نے عمران خان پر تنقید کرتے ہوئے کہا کہ جعلی اعظم چھوٹا ذہن رکھنےوالی شخصیت ہے

کرپشن کی رقم مرکر بھی ادا کرنا ہوگی ، چیف جسٹس نے واضح کردیا

اسلام آباد : چیف جسٹس آصف کھوسہ نے دوٹوک الفاظ میں واضح کیا کرپشن کی رقم موت کے بعد بھی جمع کرانی ہوگی اور مرحوم ڈی ایس پی جمیل اختر اور اہلیہ کی اپیلوں پر فیصلہ سناتے ہوئے خورد برد کیےگئے تین کروڑ روپےادا کرنے کا حکم دے دیا۔

تفصیلات کے مطابق سپریم کورٹ میں چیف جسٹس نے مرحوم ڈی ایس پی جمیل اختر اور اہلیہ کی اپیلوں پر فیصلہ سناتے ہوئے خورد برد کیےگئے تین کروڑ روپےادا کرنے کا حکم دیا۔  

  یہ بھی ضرور پڑھیں : رانا ثناء اللہ کو انسداد منشیات فورس نے گرفتار کرلیا

کیس کی سماعت کرتے ہوئے چیف جسٹس سپریم کورٹ آصف سعید کھوسہ نے ریمارکس میں کہا کرپشن کہ رقم تو واپس کرنا ہوگی جرمانہ کی رقم کی گئی کرپشن سے بہت کم ہے، ڈھائی کروڑ کا پلاٹ لیا گیا اب اس پلاٹ کی موجودہ مالیت ڈھائی ارب سے زیادہ ہوگی۔

چیف جسٹس کا کہنا تھا کہ دو ہزار تین میں کہا گیا کہ 3 کروڑ جرمانہ آج کے حساب سے انتہائی کم ہے۔

وکیل نیب نے عدالت کو بتایا کہ جمیل اختر کیانی 1959 بھرتی اور 1995 میں ڈی ایس پی پولیس ریٹائرڈ ہوئے، وکیل مسمات ریاض بی بی نے عدالت کے روبرو بتایا کہ جرمانہ کی تین کروڑ رقم ادا نہیں کر سکتے

وکیل مجرمان کا کہنا تھا کہ نیب نے ہمارے 1995 کے بعد کے اکاونٹ بھی ضبط کر لیے تھے، جس پر چیف جسٹس نے کہا کہ جرمانہ کم نہیں زیادہ ہو سکتا ہے کرپشن کا ساری عمر لوگ استعمال کرتے ہیں، ایشو یہ نہیں کہ اثاثوں پر مزے کئے، ایشو یہ ہے نو کروڑ کے اثاثے کب اور کیسے بنے؟۔

خیال رہے جمیل اختر کیانی پر کرپشن اور اختیار کے ناجائز استعمال کا الزام تھا، ٹرائل کورٹ نے جمیل اختر اور اسکی اہلیہ کو دس اور پانچ سال سزا کیساتھ 30 ملین جرمانہ کیا تھا اور ہائی کورٹ نے بھی فیصلہ برقرار رکھا

یاد رہے چند روز قبل کرپشن کیس میں چیف جسٹس آف پاکستان جسٹس آصف کھسہ نے کا بڑا فیصلہ سناتے ہوئے مجرم کے ورثاء کوجرمانہ اداکرنے کاحکم دیا تھا اور ریمارکس دیئے تھے کہ بے شک سب کیا دھرا والد کا ہو، مجرم کے بعد اس کی اولادوں سے رقم وصولی کا قانون ہے۔

چودھری نثارکے انڈوں سے اٹھنے کاوقت گزرگیا،اب انڈوں سے بچے نکل آئے ہیں،فواد چودھری

اسلام آباد: وفاقی وزیر سائنس و ٹیکنالوجی فواد چودھری نے کہا ہے کہ نوازشریف،زرداری،چودھری نثار کا کوئی مستقبل نہیں،نوازشریف،زرداری،چودھری نثار ماضی کا حصہ بن چکے ہیں،انہوں نے کہاکہ چودھری نثارکوجب موقع تھا تب وہ انڈوں سے اٹھے نہیں ،چودھری نثارکے انڈوں سے اٹھنے کاوقت گزرگیا،اب انڈوں سے بچے نکل آئے ہیں۔میڈیا رپورٹس کے مطابق وفاقی وزیر سائنس و ٹیکنالوجی نے تقریب سے خطاب کرتے ہوئے کہا کہ شوگر مافیا پاکستان میں لمبے عرصے تک برسر اقتدار رہا ہے، نوازشریف اورزرداری شوگرمافیا کے لوگ ہیں،انہوں نے زراعت کونقصان پہنچایا،خوشی ہے زرداری صاحب کوایک اورکیس میں گرفتارکیا گیا ہے،دس سالوں میں لیا گیا قرضہ کہاں گیا؟انہوں نے کہاکہ پچھلے 10سالوں میں جس نے کرپشن کی سب جیلوں میں جائیں گے،سندھ میں 9 ہزار ارب گیاوہ کہاں لگا،

    یہ بھی ضرور پڑھیں : رانا ثناء اللہ کو انسداد منشیات فورس نے گرفتار کرلیا

وفاقی وزیر نے کہا کہ گورنرسندھ جادوگرآدمی ہیں ،کراچی کی سب سے بڑی جماعت ایم کیوایم نہیں تحریک انصاف ہے،وزیراعظم عمران خان جب گورنر سندھ کوکہیں گے تو سندھ میں تبدیلی آئے گی،انہوں نے کہا کہ ن لیگ کوتوڑنے میں سب سے اہم کردار مریم نواز نے ادا کیا،ن لیگ کوہم نہیں توڑرہے ،جب شہبازشریف لندن گئے تومریم نواز نے پارٹی پر قبضہ کرلیا،فواد چودھری نے کہا کہ ہماری حکومت میں کرپشن کا ایک سکینڈل بھی سامنے نہیں آیا،اوپرکی کرپشن ختم ہوگئی ہے،نچلی سطح پرکرپشن میں کمی آئی ہے،نچلی سطح پرکرپشن کاخاتمہ بھی ضروری ہے،انہوں نے کہا کہ احتساب کے عمل میں تیزی آئی ہے،بلاول بیرون ملک جاتے رہے ہیں،ان کوبھی ایان علی والے اکاؤنٹ سے پیسے ملتے رہے ،فواد چودھری کا کہناتھا کہ حکومت کی پالیسی ہے درآمدات کم کرکے برآمدات بڑھانی ہے،ہم 2 ارب ڈالرکاتیل باہرسے منگواتے ہیں دال بھی باہرسے آتی ہے۔

رانا ثناء اللہ کو انسداد منشیات فورس نے گرفتار کرلیا

متعدد منشیات فروشوں کا تعلق رانا ثناء اللہ سے ہے، رانا ثناء اللہ سے معاملے پر تحقیقات کی جا رہی ہیں،ان منشیات فروشوں کے کالعدم تنظیموں سے بھی رابطے ہیں، سیکرٹری اطلاعات پنجاب عظمیٰ بخاری کی رانا ثناءاللہ کی گرفتاری کی تصدیق

لاہور": اینٹی نارکوٹکس فورس نے ن لیگپنجاب کے صدر رانا ثناء اللہ کو حراست میں لے لیا۔ میڈیا رپورٹس کے مطابق اینٹی نارکوٹکس فورس نے ن لیگ پنجاب کے صدر رانا ثناء اللہ کو حراست میں لے لیا ہے۔ ذرائع اے این ایف کا کہنا ہے کہ متعدد منشیات فروشوں کا تعلق رانا ثناء اللہ سے ہے۔ رانا ثناء اللہسے اس معاملے پر تحقیقات کی جا رہی ہیں۔

منشیات فروشوں کے کالعدم تنظیموں سے بھی رابطے ہیں۔ مسلم لیگ ن کی سیکرٹری اطلاعات پنجاب عظمیٰ بخاری نے تصدیق کی ہے کہ اے این ایف نے رانا ثناء اللہ کو گرفتار کرلیا ہے۔ رانا ثناء اللہ پارٹی اجلاس میں شرکت کیلئے فیصل آباد سے لاہور آ رہے تھے کہ سکھیکی کے قریب انہیں گرفتار کرلیا گیا۔ گرفتاری کے ساتھ ہی رانا ثناء اللہ، ڈرائیور اور سکیورٹی گارڈز کے موبائل فون بند ہوگئے۔

واضح رہے فیصل آباد سے رانا ثناء اللہ مسلم لیگ ن کے رکن قومی اسمبلی اورن لیگ پنجاب کے صدر بھی ہیں۔ رانا ثناء اللہ بڑے متحرک ن لیگی رہنماء ہیں۔ اسی طرح رانا ثناء اللہ پر کالعدم تنظیموں سے رابطوں اور مالی معاونت کے الزامات بھی ہیں۔ سابق صوبائی وزیرقانون رانا ثناء اللہ کا نام سانحہ ماڈل ٹاؤن کے مرکزی ملزمان کے طور پر بھی لیا جاتا ہے۔

ن لیگ کے مرکزی رہنماء رانا ثناءاللہ نے گزشتہ روز وزیراعظم عمران خان سے ملاقات کرنے والے ایم پی ایز سے متعلق بھی انتہائی سخت بیان دیا تھا۔ رانا ثناءاللہ  نے اپنے ردعمل میں کہا تھا کہ وزیراعظم ہاؤس میں لوٹا کریسی کے لیے خصوصی سیل قائم کیا گیا ہے۔ 15 ارب میں اتحادی خریدنے والی حکومت اب لیگی ارکان کو خریدنا چاہتی ہے۔ صوبائی صدر ن لیگ نے کہا کہ لیگی ارکان کوتوڑنے کیلئے خزانے کے منہ کھول دیئے گئے۔

   عمران خان کو لیگی ارکان کو خریدنے میں منہ کی کھانی پڑے گی۔ رانا ثناءاللہ نے کہا کہ حکومت عوام دشمن بجٹ سے توجہ ہٹانے کیلئے جھوٹا پروپیگنڈا کررہی ہے۔ کسی رکن نے لوٹا بننے کی کوشش کی تواسے رکنیت استعفے کی صورت میں لوٹانا ہوگی۔ انہوں نے کہا کہ کوئی لوٹا ہوا تواس سے قیادت استعفیٰ طلب کرےگی۔ اگرکوئی لوٹا ہوا تو کارکن ان کے گھروں کا گھیراؤ کریں گے۔ لوٹا رکن کے گھر کے گھیراؤکی قیادت خود کروں گا